«Чараҥ сипсиэрэ» литературнай түһүлгэ ыалдьыта - Анатолий Гаврилович Старостин-Сиэн Кынат.

Алтынньы 13 күнүгэр биһиэхэ бэйиэт, ССРС суруйааччыларын сойууһун чилиэнэ Анатолий Гаврилович Старостин-Сиэн Кынат ыалдьыттаата. «Чараҥ сипсиэрэ» литературнай кэпсэтиибитигэр кэлэн таптал биэчэрин олохтоото. Көрсүһүүгэ суруйааччы олоҕун туһунан, сүрүннээн, «Таптал умсулҕана» диэн кэргэнин Люция Петровналыын суруктара уонна бэйэтин санаайыктара тиһиллибит кинигэтин тула кэпсэттибит.

Биэчэри иилээн- са5алаан ыытта саха тылын уонна литературатын учуутала Гоголева С.Н. Суруйааччы оло5ун сырдатта оскуолабыт библиотекаря Харлампьева Т.Н. «Таптал умсулҕана» кинигэ дирин ис хоьоонноох ырытыытын ке5улээтэ саха тылын уонна литературатын учуутала Болдовская Ф.Н. Бу биэчэргэ кыттыыны ылыллар гимназия, С.А.Новгородов аатынан оскуола, И.М.Павлов аатынан оскуола урдуку кылаас оголоро, Центральнай уонна улуустаа5ы о5о библиотека улэьиттэрэ, общественность, учууталлар.

Ынырыылаах ыалдьытынан Мария Кузьминична Макарова кэлэн кытынна. Кини Анатолий Гаврилович учууталын Иннокентий Кузьмич Макаров туьунан ахтан- санаан ааста. Ол курдук Иннокентий Кузьмич литературнай куруьуогуттан куорсун анньан Анатолий о5о сылдьан айарга холоммут.

Тэрээьиннэ анаан кинигэ выставкатын Центральнай библиотека оголорго олус тиийимтиэ гына онорон туруорда.

Бары мустубут Сиэн Кынат айар улэтин сэнээрээчилэр аьа5ас кэпсэтииттэн истин дуоьуйууну ыллылар.

Алена Платонова, пресс- центр эдэр корреспондена, Анатолий Гарильевичтыын сэьэргэстэ:

– Сиэн Кынат диэн псевдонимы хайдах ылыммыккыный?

– “Кынат” диэн мин өбүгэлэрим ааттара. Былыр Уус Алдан Түүлээх нэһилиэгэр сылгылары көҥүл көтүтэр, бэрт сымса уол баар эбит. Кини мутуктаах маһы ат үрдүгэр олорон эрэ салгыҥҥа ыстанан тахсан туоруура үһү. Ол иһин дьон-сэргэ кинини Кынат диэн ааттаабыт. Мин Кынат тохсус көлүөнэтин киһитэбин. Эбиитин этигэн буоллун диэн Сиэн Кынат дэммитим.

– «Таптал умсулҕана» кинигэҕэ суруктаргыт хайдах баарынан киирбиттэрэ дуо?

– Кинигэҕэ 300-чэкэ сурук киирэн турар. Туйаара (Люция Петровна) суруктара уларыйбатахтара. Онтон мин суруктарым балачча көннөрүллүбүттэрэ. Урут сурукка арыллыбат эбиппин. Кинигэбэр санаабын аһаҕастык суруйан биэрбитим.

– Люция Петровнаны тоҕо Туйаара диэн аатын уларыппыкыный?

– Люцияны дьон ырыппатын диэммин, соруйан, аатын уларыппытым. Кини суруктарыгар саха кыыһа дууһатын дьиҥнээхтик арыйара көстөр.

– Суруктаргытын, санаайыктаргытын дьон дьүүлүгэр таһаараргытыттан кыбыстыбатаххыт дуо?

– Бу кинигэҕэ тапталы иһиттэн көрдөрүөхпүн баҕарбытым. Санаайык, сурук барыта хас биирдии киһиэхэ кистэлэҥ буолар. Онон биһиги кистэлэҥ санаабытын, иһирэх иэйиибитин, дууһабытын арыйан туран кинигэбин таһаардым. Суруйааччы киһи ааҕааччыларыгар аһаҕас буолуохтаах.

– «Таптал умсулҕана» кинигэҕэ элбэх хоһоон баар, олортон хаһа ырыа буолбутай?

– Икки сыл курдук арахса сылдьыбыт кэммитигэр 150-ча хоһоон суруйбутум. Бу хоһооннортон 30-чата ырыа буолбута. Үксүн Опера уонна балет тыйаатырын ырыаһыттара толороллор. Сиэйэ Уола «Куотума» диэн хоһооммун Дмитрий Потапов матыыбынан ыллыыр этэ. Уонна Клавдия, Герман Хатылаевтар мин хоһооммунан ырыалаахтар.

– Мин санаабар, эһиги истиҥ сыһыаҥҥыт дьиҥнээх таптал холобура буолар. Эдэр ыччакка туох сүбэ биэриэ этигиний?

– Дьиҥнээх, ыраас, үйэлээх тапталланыаххытын баҕарар буоллаххытына хаһан даҕаны доҕоргутун албыннаамаҥ. Эбиитин тапталгытын харыстыы, кистии сылдьыахтааххыт. Оччоҕо эрэ таптал уһуннук барар.

Уолаттар кыыс сүрэҕин ууллараргытыгар «Таптал умсулҕана» кинигэни ыйынньык оҥостуоххутун сөп (күлэр).

– Кэпсээн бүтүүтэ эһиги уол оҕолоноҕут дии. Уопсайа хас оҕолооххутуй?

– Уолбут аата Мичил диэн. Ол кэннэ баҕарбыппыт курдук, икки кэрэчээн игирэ кыргыттардаммыппыт. Долгуйааналаах Ньургуйаана күн сирин көрбүттэрэ.

– Билигин тугу эмит суруйа сылдьаҕын дуо?

– Мин билигин түөрт көлүөнэ тапталын көрдөрөр роман кэриҥэ айымньынан үлэлии сылдьабын. Манна Люция Петровна төрөппүттэрин, биһиги бэйэбит, оҕолорбут уонна сиэннэрбит тапталлара көстүөҕэ. Улахан хабааннаах, кэрэхсэбиллээх кинигэ буолуоҕар эрэнэбин.